fbpx
Categoria: Piovono versi
Stampa

'Nu calamaru, 'na pinna, 'nu quadernu!
Macchi di 'nchjostru supo tavulinu!
'Na lumera e 'npoch'i luci
sup'all'occhi chi cercavanu penzeri
e 'na candila chi squagghjava cira
comu lu chjantu di li tempi antichi!

'Nci dissi la lumera a la candila:
-Non ti sperdiri ca' prima
di tia fici cosi grandi.
Vardai ntè cori
di cu' cercava lu sapiri.
Vardai ntè mani
di cu' spartiva peni - .

(Pina De Felice)